تعالوا نقرب لربنا خطوة خطوة

السلام عليكم و رحمة الله و بركاته

كتير مننا يا جماعة بيكون نفسه يصلح من نفسه بس مش عارف و مستنى الحل ينزل من السماء عشان يتصلح
مستنى إنه ييجي اليوم .. اللي يصحى فيه من النوم
يلاقي نفسه بقى بني آدم تاني خالص
فجأة كده
يلاقي نفسه بقى بيكره المعاصي و عمره مابيفكر فيها
و بقى مجتهد في العبادة و الدعوة إلى الله و طلب العلم ... إلخ

و لحد ما تحصل المعجزة دي
هو مستنى .. و مش عاوز ياخد خطوة
و كل ماتيجي قدامه حاجة يعملها .. يستهيفها
يقول في نفسه .. يعني دي هي اللي هتصلحني يعني
أنا لازم أعمل حاجةكبيرة جدااا

ربنا بيقول في الحديث القدسي
( إذا تقرب العبد إلي شبرا تقربت إليه ذراعا ، وإذا تقرب إلي ذراعا تقربت منه باعا ، وإذا أتاني مشيا أتيته هرولة ) رواه البخاري

خدت بالك ؟؟؟
العبد يتقرب الأول شبر .. ربنا يتقرب ذراع
يعني انت لازم تاخد الخطوة الأول
و ربنا هييسرلك
امشي في الحاجة المتاحة قدامك .. و تبقى خدت خطوة
و ربنا سيأتيك هرولة

احنا في الموضوع ده هناخد خطوة
عشان نقرب بيها من ربنا
خطوة ممكن تكون في نظر بعض الناس صغيرة
و لكنها خطوة .. ناس كتير اتقدمت في طريق ربنا و عليت في الدين بسببها

ايه رايكم كل واحد فينا ينصحنا كلنا ويقول لينا هو قرب م ربنا ازاى ونفسه يعمل ايه عشان يقرب اكتر
انا هاقول بعد ردودكم

بجد توووبك روعه جاى معايا على الجرح كأنو معمولى

بصى انا هبدا وادعولى اعرف اكمل الطريق ياااارب

استغفرك يارب واتوب اليك

ربنا يتقبل منك يا محمد ومن كل المسلمين
بس قولى ناوى تعمل ايه؟؟

اهم حاجه عشان نمشى ع طريق صح
ادخل واقعد ف اوضه اقفل ع نفسك
هات ورقه وقلم اكتب عيوبك ومميزاتك م وجهه نظرك
اسال ايلى حواليك ايلى بيحبوك بجد
ايلى هما خايفين عليك وع مصلحتك
ومش ف نفس الطريق واعرف ايه عيوبك ومميزاتك
ابدأ بحاجه حاجه متبدأش بكله مرة وحده
لان هتزق بسرعه وتتخنق لكن وحده وحده
لما تحس بالتغيير هتفرح اوى انك وصلت لنتيجه
وهيكون عندك حافز تكمل

برافو عليكى يا ايمو بجد ربنا يكرمك ويعطيكى الى بتتمنيه

مش عايزة اكتر م ان محمد حبيبى يرجعلى بالسلامه ونفضل مع بعض طول العمر

ربنا يرجعلك محمد بالسلامة يارب وتفضلوا معاه طول العمر

ها يا شباب لسة فين الباقى مستنياكم

ياااااااااااااارب

انا بدأت واخدت خطوووه مهمه ادعووولى اقدر اكمل

ربنا معاك

ها يا شباب مين هايقولنا هو عمل ايه عشان يقرب من ربنا سبحانه وتعالى يالا مستنية ردودكم