طيابه شعب و (معلش احنا بنشترى رجاله)

بسم الله الرحمن الرحيم
طيابه شعب و (معلش احنا بنشترى رجاله)

سلامو عليكو
.......................................

أحنا المصريين ناس طيبين قوي.
متعودين علي الكلام الطيب.
حتي لو ملوش أي معني....
شوفوا المثال...
الأتي>>
7
7
7

راجل طويل عريض ملو هدومه .
بس جيوبه أنضف من الصيني بعدغسيله .
يتوجه إلي بيت العروسة .
في أيده اليمين الست الوالده وفي أيده الشمال صنية بسبوسة.
وفي قلبه حب وليد وفي عقلة أحلام البيت والأسرة والأولاد
ليجد أمامة الأب الكلاسيكي قاعد في الصالة الكلاسيكية
وبيقول الجملة الكلاسيكية

الأب(باسما) :أحنا يبني بنشتري رجالة

العريس(وقد هدأت نفسه وأحس بالثقه ) : ربنا يخليك ياعمي

الأب : أنما قولي أنت من عيلة مين ؟

العريس(وقد أزدادت أبتسامته أتساعا وأرتفعت جبهتة في شموخ):
أنا ياعمي من عيلة الفلاح .
أبويا كان فلاح وجدي فلاح
بس الحمد لله ربوني أنا
وأخواتي التسعة أحسن تربية

الأب (في شرود) : طبعا ياأبني طبعا....
أحنا بنشتري رجالة...
أنما قولي أنت عندك شقة؟؟

العريس (في بساطة) :
والله ياعمي أنا لسة بدور علي شقة
وبصراحة أكتر لسة بدور علي فلوس الشقه....
نياه نياه نياه

الأب (وقد أحمر وجهة وبدأ يجز علي أسنانه) :
يابني أحنا بنشتري رجالة ...
أنما قولي أنت بتشتغل أية؟

العريس ( بأبتهاج شديد وقد أثرت فية كلمات الرجل المشجعة) :
والله ياعمي أنت عارف أنا خريج هندسة والحمد لله
أستلمت شغلي من يومين بس في الهيئة العامة للرقابة علي اللبان .
صحيح المرتب صغير شوية بس أنا واخد وعد أني
أتثبت بعد خمس ست سنين(( ابقى قبلنى )) نكمل .........,,

الأب (وقد بدأت تظهر علية أعراض الشلل والشيخوخة المبكرة ) :
يابني أحنا بنشتري رجالة ..
أنما قولي هو المرتب كام ؟؟

العريس (وقد أتسعت أبتسامته لتملأ الصالة) :
مية سبعة وأربعين جنية وتلاتة وسبعين قرش بالتمام والكمال

الأب :بره

العريس: نعم ياعمي

الأب (وقد شل فعلا) :بره بيتي يا أبن ال......

وهكذا أيها الأخوة نجد أننا شعب طيب قوي قوي
ومنقصدش أي حاجة من اللي بنقولها !!!!

أية رأيكم مين الغلطان الأب المشلول ولا العريس النضيف الي عايز يعف نفسة
ولا الدنيا هي الي وحشة وكخه؟؟؟؟
ومالناش صالح طوبعا فى اراءنا بحكومتنا العزيزه المظرومه

بس بالله عليكم الواد مش صايع وحب واحده ونظيف من جواه بس مش معاه

ومعاه شهاده هندسه او اى حاجه عاليه ومش اشتغل زنبه ايه بقن

احب اعرف رايكم مين الغلطان والمشكله فين بالظبط ؟؟

اولا يايويومفيش حد دلوقتى بيتقدم لحد اصلا وهو بالمواصفات دىلانه مش عبيط يعنى ثانيا هى دى حال الدنيا بردووالناس اللى زى دى ليها ناسها وربنا بيسترها وده مش غلطان ولا ده اللى غلطانالظروف هى اللى غلطانه ده عاوز يجوز البنت دى وعاوز يلحقها والاب عاوز يأمن مستقبل بنته بالشقه والمصاريف والحاجات دى وتسلمى ياقمر نايس توبيك