خواطر عضوة مجهوله(جميله اووووووى بجد )

بسم الله الرحمن الرحيم

جايبلكم النهاردة شعر جااااامد اوى

تاليف وتلحين عضوة معانا هنا

مش هوقلكم عليها بس شوفو الفن والاحساس وقولوا رايكم




صدقنى مش قصدى اجرحك
انا بس خايفه من بكره
خايفه الزمن يغدر بينا
والحب دا يكون ذكرى
خايفه الفراق يكون مصيرنا
وساعتها راح تدرى
انا ليه كدا فكرت
وفراقنا بدرى اخترت
.................................
هتقولى تانى اطمنى..
مش هكون غير ليكى
لاناس ولا دنيا تهمنى..
انا بس نفسى ارضيكى

صدقنى راح تنسى الكلام دا
وابقى افتكرها من النهارده
عيش لنفسك وانسى حبى
وسيبنى وحدى اداوى قلبى
...........................................
مش بقسى عشان تتعذب
انا اكتر منك هتعب
مش عاوزه سوا نتالم
من صعب نروح للاصعب

بكتب بايدى انا النهايه
بدل مايكتبها الزمن
احسن ماتتعذب معايا
ويكون عذاب من غير تمن

.............................................

قولت انى بتعب م الفراق
وبرده بع
قولت انى بتعب م الفراق
وبرده بعدت وسيبتنى
وهان عليك كلمة سلام
بعد اما بيك علقتنى
قولت انى بكره اعيش لناسى
وببساطه صدقتنى
كان طبع عندى.. ادارى حبى
لكن خلاص علمتنى
انى لازم عشانك اضعف
ياللى بكلامك ملكتنى
عارفه انه صعب عليك تصدق
بالقسوه ايوه عرفتنى
......
خلاص خلاص انسى اللى قولته
ولا كأنك سمعتنى
عاوز تودع تانى ودع
ع الفراق عودتنى


ماتهون عليا دموعك
ولا حاجه تستاهلها
لوشوفت دمعه ف عينك
مش هقدر اتحملها
حتى ماتبكيش عشانى
ايوه انا اللى بقولها
هييجى يوم تنسانى
وتندم على نزولها
.....
عايزاك تكون اقوى
علشان تقدر تعيش
ولا شئ ف الكون يهزك
دى دنيا ماتساويش
لو يوم تضعف تبيعك
وخد م الجرح كتير
محدش راح يفيدك
وتكون للدمع اسير
......................................
بالله عليك اسمعنى
وقبل ماتودعنى
اوعدنى هتفتكرنى
وهتعمل باللى قولته
انا ياما الحزن قتلنى
لكن بصبرى قتلته
دلوقتى بقول دا ليك
علشان غالى عليا
م الحزن بخاف عليك
زى انت ما خوفت عليا


مش متحمل منى كلام
يبقى ازاى هنكمل
يبقى نقول دلوقتى سلام
غيرك راح يتحمل

وانت كمان شوف نفسك بعدى
عارفه مش فارقه معاك بعدى

ايوه خلاص مش هبقى عليك
ولا انت باقى عليا
روح يا حبيبى الله يخليك
مش عايزاك ترجع ليا

فكر تانى ف كل كلامى
بس ارجوك ماتصدق
كلمة حب وليك اتقالت
منى أصله دا مبدأ

يوم مابقولها واكون قصداها
يبقى لحد يصونى
حد يكون حاسس معناها
واما اتكلم يسمعنى

وانت لنفسك بس بتسمع
وف نفسك بتفكر
صبرت عليك انا واتحملت
وانت يا ريت بتقدر
انسى كلامى معاك م تانى
عمرك ماهتتغير
هتفضل دايما حد انانى
مش ممكن يتطور


انا ليه بتعب نفسى معاك