حتى ابليس هيسيب مصر

على باب سفارة

كندا.. لمحت إبليس و ف إيده استماره..

باقول له على فين.. قاللي بص .. يا هجرة ..يا إعارة.....

يا عم زهقت.. كفرت .. ألاقيش معاك سيجارة..

أنا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. ماليش عيش ف دي البلاد

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومافيش مشاكل..

يا عم ده انا بقيت أوسوس بالمقلوب..

و أقول للحرامي .. كفاية بقى .. توووووب..

إنت إيه.. لوحدك هاتعمل كل الذنوب..؟؟

و أنا إبليس أشتغل واعظ .. ولا كمساري ف اتوبيس..

يا عم ده أنا زمان

كنت أستنى حد ينسى يسمي وهو بياكل لقمته..

دلوقتي كل أكلكم ملوث .. و بصراحه الواحد خايف على صحته..

ده مافيش ضمير أساساً عشان أموته..

و كل واحد بمزاجه .. خربانة ذمته..

يا عم ده كل حاجة إتسرقت..

وكده الأجيال الجديدة م الحرامية إتظلمت..

يا راجل ده من كتر ما لطشت معايا..

خرجت ف مظاهرة مع الناس اللي بتقول كفاية..

و برضه ......... مافيش فايدة

تسلم الايادى يا قمر على التوبيك

توبيك جااااااااااااااامد جدااااااااااااااا

تسلم ايدك يا سكره

توبي مميز جدا

merci 3la zo2ak

topic gaaaaaaaaaaaaamed gedan ya smsm

ايه ده شوشو هيسيب مصر
وهسيبنى لوحدى
الواطى
كان نفسه يطلع يشتغل فى كندا
من زمان
ياترى بقى هيبعتلى اروحله ولا هينفض
يا ما قولتله البلد دى احسن من غيرها

هههههههههههههههههه
ههههههههه
اه ملوش حق يمشى

مش كده
قوليله يرجع بقى
مش عارف هعيش ازاى من غيره