بسم الله
صباح الخير ياديدى عامله ايه النهارده يارب يكون نهارك سعيد ياله نبدأ
صباح النور يا قمر
ماذا تكتب ديدى تعبيرا عن حياتى اللتى عاشتها الى الان فى كلامات قليله؟
برغم ان انا عندى 23 سنة بس شوفت وعشت تجارب كتير ف الحياة والحمد لله اتعلمت منها.
لو خيروكى بين اعز صديق وحبيبك؟
هاتختار صديقى.
جالك عريس وانسان كويس مش وحش واول طلب طلبه طلب انك تسيبى شغلك خالص ؟
لو حسيت انه فعلا كويس وهاقدر اعيش معاه سعيدة اكيد هاسيب شغلى لان بيتى اهم.
اي دوله تتمنى ديدى زيارتها ؟
سوريا ولبنان واسبانيا.
هل تعترفى بشئ اسمه صداقه بين ولد وبنت؟
لازم يكون ف حدود بين البنت والولد ف اى حاجة.
ديدى مدمنه تفكير ؟
جدااااااااااا ودا الى مودينى ف داهية.
قلتى انك مش ليكى فى الشعر ؟ حد يكون توأم روحه ايمى ومش يكون له فى الشعر؟
اختلاف وجهات نظر بقى مع ان كمان بابا بيحب الشعر جدا .
ديدى انتى بتكرهى حد بشده فى حياتك ؟
بصراحة شخص واحد وهو الى علمنى معنى الكره.
مالذي يشعرك بأكثر قدر من الحرج...
ان حد يهينى قدام الناس وقدام نفسى
حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
هو مش شخص محدد دلوقتى بس ممكن اكون خيالية شوية واقولك م الانسان الى هاكون ليه ف يوم م الايام ويقدرنى ويحبنى لشخصى
قولى بقا عضو تتمنى انك تشوفيه بره المنتدى؟مين وليه؟
هههههههههههههههه لا ياسيدى والله مفيش حد خالص كلهم محترمين جدا
شخص لايرفض له طلب مين؟
بابا .
بتقرأى قران حافظه كام جزء؟
الحمد لله مخصصة لنفسى ورد م القران اقرءه قبل ما انام كل يوم بس احياانا الشيطان يضحك عليا ويخلينى اكسل وانام وانا مش حافظة اجازء محددة بس حافظة سور كاملة والحمد لله .
بقولك انتى تربيه وتعليم ولا ازهر ؟
انا تربية وتعليم.
ليه مقلتيش المؤهل فى بيانتك الشخصيه؟
نسيت دى انا مؤهلى بكالوريوس تربية نوعية قسم تربية فنية.
تزعلى ان عمرك 22 سنه ولسه مفيش ارتباط؟
لا مش زعلانة انا فعلا كنت مخطوبة بس محصلش نصيب والحمد لله وبالعكس فرحانة جدا.
ايهما احب واهم شهادتك الجامعيه ام الزاوج ممن تحبى ؟
لا شهادتى الجامعية بس انا خلصت الحمد لله.
قلتى انك بتفطرى انتى وايمى وياسمين بتفطرو ايه ؟مين فيكم بيحب يشرب شاى بعد الفطار ومين مش بيشرب خالص الشاى ؟
طبعا بنفطر كباب وكفته الشعب المصرى اكيد فول وطعمية طبعاااااااااا وكمان بيض وجبنه وهايصين ف الاكل مش تخاف وطبعاااااااا الحاجة ايمى مدمنة بنتنجان فظيعة مش بترضى تدينى خالص وكمان ايمان مدمنة شاى تشربه قبل الفطار وف نصه وف اخره وبين كوباية الشاى والكوباية التانية واحدة كمان دى مفترية ف الشاى ههههههههههههه
انا مكنتش بشرب شاى خالص ولا حتى بحبه بس لما اشتغلت مع ايمى علمتنى شرب الشاى وبقيت اشرب كل يوم كوباية
اكلنا بنحلم بلاستقرار والزاوج والاولاد ناويه تسمى بنوتك وابنك ايه ؟
نفسى اسمى الولد يوسف ع اسم سيدنا يوسف عليه السلام والبنت انا بحب اسم رفيف جدا بس هاكون ديموقراطية واخلى ابوها هو الى يسميها هههههههههههههه
اتهدى لمين الاغانى دى
ياوحشنى
جدتى الله يرحمها
بيدق قلبى
لزوجى ف المستقبل ان شاء الله
قمرقمر
لعمرو دياب
حبيبة قلبى حلا قريبة ايمى طفلة زى القمر ربنا يحميها يارب واشوف بنتى شبها
الله يسامحك
لخطيبى الاول مع انى عمرى ما هاسامحه
برتاح معاك
لنجم عمرو مصطفى
ايمو وياسمين مش بعرف اعيش م دوشتهم طول اليوم بس برتاح جدا وانا معاهم
بصى بقا راكبه سياره لاتنين فقط ووقفه ايمى وياسمين وانتى هتاخدى المفروض واحد بس تختارى مين ؟وليه ؟ههههههههههههههههههههههههههه
اممممممممممممم ايه السؤال دا خلاص بقى هاخليهم يركبوا هما الاتنين واحصلهم بميكروباص.
قصه اسم زعزوووووووعتى هههههههههه .؟وهل الاسم دا مضايقك؟ فعلا
هههههههههههههههههههههه دا الاخت شعنونتى بين قوسين (ايمى سابقا) وقصتها عشان انا رفيعة شوية يعنى ف قالت عليا زعزوعتى عشان انا بقولها يا شعنونتى
لو كنت قدمتك بالاسم دا كنت هتزعلى منى؟وكنتى متواقعه اننا هقدمك باسم ديدى؟
لا والله مش هازعل ما انت يا خويا قبلت احتجاج ايمى Mad .
قلتى انك لو المنتدى غرق هتسيبى المنتدى وتاخدى المركب وتمشى نسيتى ان ايمى هتكون معانا ؟رايك ايه ياايمى؟ههههههههههه انا بهدى النفوس ياعم الحاج
لا ما وقت الندالة بقى مش هاعرف ايمى خالص هابقى ازعل عليها بعدين
شعنونتى روح قلبى متسمعيش كلامهم هابقى اخدك بس مش تقولى لحد
ديدي دمعتك قريبه ؟ طيب ممكن انك تنهرى وتبكى قدام اى حد ؟
جدا وبعيط بسرعة بس مش اى حد ابكى قدامه ممكن دموعى تنزل بس مش اوضح الا اذا كنت خلاص بقى
اكبر فلوس اتخصمت ليكى من مرتبك ؟وليه كان الخصم دا؟
هههههههههههههههههههه ليه تفكرنى كانت 50 ج المفروض ان هايزيد مرتبى بس عملت غلطة صغنونة واتخصمت م يومها
امكانيات العريس كافلوسه ومكانته المرموقه فى وظيفته تأثر فيكى وتشدك له؟
والله يا محمد انا زى ما قولتلك مش هايهمنى الفلوس بس اهم حاجة الاخلاق والتدين بس مش هايمنع يعنى انه يكون عنده عربية اخر موديل وشقة ع النيل وشاليه ف مارينا و مليون ج رصيد بس هههههههههههه
بهزر طبعااااااااااااا.
فتى احلامك ايه هى المواصفات المطلوبه؟
يكون مؤدب ومحترم وعنده اخلاق واهم حاجة التدين انا مش يهمنى الشكل قد الاخلاق بس مش يكون وحش اوى بس كفاية انه يكون مقبول الشكل.
فى سؤال زعلك من اسئلتى او ضايقك؟
لا بالعكس
منور ياقمر ويارب يكون وقت سعيد اللى بتقضيه معانا على كرسى الاعتراف
ربنا يخليك دا انت سالتنى اسئلة مكنتش اتوقع ان اتسالها ف يوم بس بجد متشكرة يا قمر
ا
موضوع: ضفتنا وضيه الحلقه زعزوووووعتى ( مع تحياتى ايمى ) 
الجمعة فبراير 25, 2011 8:37 am
