♥ نزلت دموعى على شهداء مصر العظماء ♥

نزلت دموعى غصب عنّى على اللى راحوا

ضحكة عينيهم جت فى قلبى زادت جراحوا

مبقاش بيقدر ينسى ولا ياخد براحوا

وازاى هينسى حد ضحّى بعمره لِيه

كل اما اشوفهم بتكسف علشان حياتى

مكانتش فيها حاجة تاخد تضحياتى

بس اللى جىّ أهم م اللى ف ذكرياتى

حلم اللى راحوا من النهارده هعيش عليه

مش كلّهم كانوا غلابة وتعبانين

ولاحتى كانوا بالمناصب مشغولين

دول بس خرجوا عشان حقوق المظلومين

وف قلبهم الصافى خير بيدقّ فيه

صعب الفراق على أى حد من البشر

ولا حاجة هتعوّض جراح اللى اتكسر

أصل الحبيب لمّا يغيب بيسيب أثر

طب يعمل إيه اللى ابنه مات قدّام عينيه

الناس دى ماتت بس هتعيش جوّا منّى

هبنى اللى خرجوا يحققّوه والله يعيننى

وان مت قبل الحلم دا ما يكون باينلى

هييجى غيرى يكمّله ويتباهى بيه

يارب ارحم كل اللى ماتوا فى الثورة دى

واقبلهم فى الشهداء

تسلم ايدك يا سمسم ربنا يبارك فيكى حلوة اوى

جامده فحت وردم

جو اون ياجميل

حلووووووووووووووووووووووووووة اوى بجد يا سمسم

» هكذا كان يفكر العظماء